Programa Moratóriu ba Kréditu

Programa Moratóriu de-Kréditu nu'udar programa públiku ida hodi tulun individuu no negósiu sira ne'ebé afetadu husi surtu COVID-19. 

Programa ida-ne'e jere no administra husi Banco Central de Timor-Leste. Programa ida-ne'e MANDATÓRIU ba banku sira inklui instituisaun de-kréditu relevante sira.  

Individuu no negósiu sira ne'ebé hakarak asesu ba Programa ida-ne'e TENKE aprezenta sira-nia pedidu diretamente ho banku ne'ebé sira iha kréditu ba. Ita-Boot sira bele asesu Formuláriu Aplikasaun nian iha kada instituisaun bankária ka bele download fixa eletrónika indika iha kraik.

Informasaun detallu bele asesu iha parte Pergunta Frekuente iha kraik maibé karik maluk vizitór sira balu ne'ebé hakarak hatene informasaun adisionál ruma mak lada'uk eziste iha kada portál halo favór kontaktu mai Banku Sentrál liuhusi email: cgs_unit@bancocentral.tl.